Cuarta victoria consecutiva dos carballeses.

RECIMIL 49 - CARBALLO BÁSKET XIRIA 58

Cuarta vitoria noutras tantas xornadas do Carballo Básket Xiria que se 
mantén á fronte da clasificación grazas ao seu triunfo na complicada 
cancha do Recimil ferrolán. O partido, moi igualado nos vinte minutos 
iniciais, decantouse para o cadro verde no terceiro cuarto ao lograr 
abrir unha pequena fenda próxima aos dez puntos, distancia que 
xestionou o cadro de Basilio Pampín no derradeiro período.

O acerto de Marcos Molk mantivo ao Xiria no partido no primeiro 
cuarto. El era o único capaz de anotar e, con 12 puntos neses 10 
minutos iniciais, permitiu que o Recimil non marchase no marcador. As 
defensas impuxéronse aos ataques nun primeiro tempo horfo de acerto e 
con moitas imprecisións. O segundo cuarto tampouco decidiría nada co 
traballo do pívot carballés Luis Gómez como o máis destacado. 22-23 ao 
intermedio e todo por decidir no segundo período.

É logo do descanso cando o Carballo Básket colle o temón do partido. 
Apoiado no acerto exterior de Roi (2 triplas) e Juan Fernández (1 
tripla) e con Molk facendo moito dano dentro da zona (7 puntos) os 
carballeses comezan a abrir un oco que sería determinante no encontro. 
Polo Recimil só Richi Dopico (9 puntos neste cuarto) era quen de ver o 
aro con facilidade e mantiña ao seu equipo con opcións.

Dúas triplas   de Dopico e unha de Pablo Freire no derradeiro período inquedaron o 
triunfo do Xiria, pero a aparición estelar do pívot das Labradas José 
Tato (6 puntos) e o acerto anotador de Juan Fernández en momentos 
chave impediu a remonta do equipo ferrolán. Así, chegouse ao final 
cunha vantaxe de 9 puntos para o cuarto triunfo noutros tantos 
partidos xogados polo CBX.

RECIMIL 49 (14+8+12+15) Bruno 5, Rafa Montero 7, Sergio Rivera 7, 
Alberto Ronzados 2, Carlos Vila -cinco inicial- Pablo Freire 10, Richi 
Dopico 18, Yáñez, Iván.
CARBALLO BÁSKET XIRIA 58 (14+9+19+16) Fran Cristóbal 0, Héctor 3, Juan 
Fernández 8, Marcos Molk 23, José Tato 9 -cinco inicial- Roi 10, Luis 
Gómez 5, Alessandro, Abraham, Taibo, Bruno Calviño, Adrián Pérez.
Pavillón Javier Gómez Noya de Ferrol.

crónica de CARBALLO BÁSKET