MOITAS GRAZAS, JOSÉ ANTONIO

A familia de Carballo Básket Xiria está de loito polo pasamento dun dos homes máis queridos e respectados por xogadores, adestradores e  directivos que pasaron pola entidade nos últimos 25 anos. O  
falecemento de José Antonio Vega déixanos unha fondísima tristura.

Espertarnos con esta nova resulta moi doloroso e só queda estar a  carón da súa muller María José e do seu fillo Roi, santo e seña do  Xiria nestas dúas décadas. E eles dámoslle o noso apoio e máximo  
agarimo. Mañá xoves, 6 de outubro, ás 18.00 horas haberá unha misa na  Igrexa de A Laracha na que estaremos a carón da familia Vega Torreira.

Desde que no ano 1990 Roi entrara no Xiria, José Antonio quixo  implicarse ao máximo no club. Temporada a temporada, durante 18 anos,  acompañou ao equipo no que participaba o seu fillo colaborando con  
todos os adestradores, facendo as mellores táboas estatísticas de todo  o básket galego (por non dicir nacional), sendo a voz da experiencia  no vestiario, un apoio e un referente para todos os rapaces. Custa  
dicir o dato exacto (el, que era o home dos datos seguro que o sabía)  pero foron preto dos 1000 partidos nos que alí estivo José Antonio  Vega aportando o seu gran de area.

Por todo o que fixéches polo club ...

Moitas grazas, José Antonio