Convócase o premio de artigos xornalísticos normalizadores.

O concello de Carballo , a través do Servizo de Normalización Lingüística, acaba de convocar o VIII Premio a artigos xornalísticos normalizadores, e que conta coa colaboración de once medios de comunicación, entre eles a web Anosacosta.

Os artigos presentados ao premio deberán ser inéditos, ter entre 2.000 e 3.500 caracteres e neles deberase tratar algún tema concreto relacionado coa situación sociolingüística do noso país, co fomento da lingua galega, co argumentario a prol do uso do galego, con experiencias útiles ou favorábeis para a normalización lingüística, etc. O prazo de presentación está aberto até o 9 de abril.

Outorgaráse un premio económico de 1.000 euros e ademáis o artigo será publicado nos once medios de comunicación colaboradores.Os artigos presentáranse nun sobre grande pechado, deberán estar asinados cun pseudónimo e neles non poderán figurar o nome nin ningunha referencia . Dentro do sobre grande incluiráse un sobre pequeno pechado que levará escrito por fóra o título do artigo e o pseudónimo. No seu interior figurarán o nome e apelidos do autor/a, o enderezo completo, número de teléfono, enderezo electrónico, os datos profesionais ou un breve currículo e o título do artigo e o pseudónimo utilizado. Os artigos deberán presentarse por cuadriplicado no Rexistro do Pazo da Cultura ou por correo certificado:

VIII Premios a artigos xornalísticos normalizadotes concello de Carballo 2012-02-08 Rexistro Pazo da Cultura

1º andar Rúa do Pan

15100 Carballo