O programa “No confín do outono pondaliano” arrancou hoxe.

O conselleiro de Presidencia da Xunta de Galicia, Alfonso Rueda asistiu a inauguración dunhas xornadas nas que se conmemora o centenario do nacemento de Álvaro Cunqueiro, o terceiro aniversario da Fundación Eduardo Pondal e os trinta anos de oficialidade dos símbolos de Galicia.

E foi precisamente neste último aspecto onde fixo fincapé Rueda, que “resaltou a importancia dos nosos símbolos, que perduran a través dos tempos, e que a nosa identidade non se entendería sen a nosa cultura, a nosa lingua e sen os nosos símbolos”.

Rueda Valenzuela, acompañado polo alcalde de Ponteceso, José Luís Fondo, destacou o papel da Fundación Eduardo Pondal. O acto desenvolveuse no centro socio cultural de Ponteceso, onde preto de 200 escolares interpretaron o himno de Galicia, que ten a letra do insigne vate Eduardo Pondal.