Asistiu Belén do Campo.

A delegada territorial da Xunta na Coruña, Belén do Campo, presidiu o acto de clausura de segunda fase do obradoiro de emprego “Escola de Vela da Costa da Morte” e no que participaron 30 alumnos.

A Consellería de Traballo investiu 649.197 euros. Do Campo apuntou que os traballos que realizan os alumnos ao abeiro deste obradoiro “serven para mellorar as dotacións públicas no ámbito local, o que repercute na mellora da calidade de vida e dos servizos para toda a sociedade”. Estivo acompañado polo alcalde, José Muiño Domínguez.

No obradoiro “Escola de vela da Costa da Morte”, promovido polo concello, as persoas desempregadas que se beneficiaron del obtiveron novos coñecementos nas especialidades de albanelería e carpintería, que puxeron en práctica coa realización de traballos de rehabilitación do antigo serradoiro da ribeira do Anllóns para a súa transformación en escola de vela para toda a comarca e no inicio da reforma de tres edificios para destinalos albergue xuvenil.