Critican o desmantelamento do tan anunciado “Plan Revive”.

O Plan Revive da Costa da Morte foi anunciado a “bombo e platillo” pola Xunta de Galicia. De feito o propio conselleiro Javier Guerra falaba dunha dotación de 25 millóns de euros e dun auténtico revulsivo para os 19 concellos de Soneira, Fisterra, Bergantiños, Xallas, así como Muros e Carnota.

Pero o plan parece que non terá moito percorrido. Iso é o que denuncian desde o PSOE. O seu portavoz de Economía, Industria e Innovación presentou varias preguntas para interesarse “polo desmantelamento do Plan Revive”.

Para José Luís Méndez Romeu trátase “dunha ultraxe a Costa da Morte”, e unha mostra do excesivo afán propagandístico do goberno do Partido Popular. Romeu quere coñecer tódolos datos sobre esta actuación aínda que adiantou a súa opinión de que o proxecto “foi liquidado logo das eleccións xerais sen ter ejecutada ningunha actuación”.