ANOSACOSTA Portal Costa da Morte

Aberto o Museo de Arte Contemporánea da Costa da Morte.

Fai uns anos o daquela dinámico activista cultural e hoxe concelleiro de Cultura de Ponteceso, Óscar Rey Calo anunciaba o asentamento da Fundación Torre Pujales en Corme cun proxecto de envergadura, a creación dun Museo de Arte Contemporánea na Costa da Morte.

A idea foise facendo consistente no tempo e hoxe é unha realidade e Corme conta cun centro expositivo de relevancia, e que foi inaugurado o pasado sábado 7 de abril polo Director xeral de Cultura, Anxo Lorenzo e polo alcalde José Luís Fondo Aguiar.

Foi vital a vontade de Cristina Torre Cervigón, dona do pintor Julio Pujales. Quixo que os fondos do artista estiveran en Corme. Pero non só as súas creacións, senón tamén as súas coleccións, con obras de artistas como Colmeiro, Laxeiro ou Eduardo Arroyo.

O Museo de Arte Contemporánea está xa ubicado na rúa Real de Corme.

FOTOS- XUNTA DE GALICIA