Santa Comba acolleu unha xornada de economía social

Por o 16 marzo, 2019

Polo volumen de preguntas que os asistentes fixeron aos distintos ponentes da xornada de Economía Social organizada polo Concello de Santa Comba este venres 15 de marzo, pódese decir que a xornada foi todo un éxito e que existe un interese importante por esta materia na comarca Xalleira.

Ás 9:45, María Pose, alcaldesa de Santa Comba dou a benvida aos mais de 100 asistentes entre os que se atopaban os alumnos e alumnas dos tres obradoiros de emprego dos que forma parte o Concello así como aos alumnos do curso AFD de Atención Sociosanitaria e ao público que se achegou ás instalacións do Edificio Multiusos.


Seguidamente, foi a quenda de Dani Dieguez, técnico da Rede Eusumo que falou da economía social pero sobre todo da importancia das persoas como centro e motor necesario para que os proxectos funcionen.

A Subdirectora Xeral de Economía e Emprego, Alba Paz, detallou polo miúdo as axudas da Secretaría Xeral de Emprego orientadas a economía Social e, Fernando Rodríguez, coordinador da Rede Galega de Dinamización Xuvenil trasladou aos asistentes os programas que Xuventude pon a disposición dos xoves destacando os Galeuropa e Iniciativa Xove.

Para rematar a xornada, responsables de tres iniciativas emprendedoras, Pastos do Enxilde, Recursos Galicia, e Remendos2014, acompañados pola técnico de formación Cristina Pereira e a directora do Obradoiro Conecta2018, Anabel Piñeiro, contaron polo miúdo a súa experiencia tanto no mundo da economía social como coas novas formas participativas de xestión das empresas.

A alcaldesa clausurou a xornada agradecendo a participación e recalcando a importancia deste tivo de iniciativas como unha oportunidade mais de futuro para abrirse paso no mundo laboral.

Fonte- Nota de prensa do concello de Santa Comba

Comentarios

Comentarios

Debes estar registrado para comentar Login

Aviso de Cookies

Utilizamos cookies propias y de terceros para realizar el análisis de la navegación de los usuarios y mejorar nuestros servicios. Si continúa navegando, consideramos que acepta su uso. Puede obtener más información, o bien conocer cómo cambiar la configuración, pulsando en el siguiente enlace: Más Información