Posta en marcha da Variante de Cee-Sardiñeiro.

O Presidente da Xunta de Galicia asistiu o acto de posta en marcha da Variante Cee-Sardiñeiro, na que se investiron máis de 20 millóns de euros.

Neste acto, Alberto Núñez Feijóo ratificou o seu compromiso para a construcción da nova autovía da Costa da Morte no ano 2013 e afirmou que se vai a “garantir a súa comunicación completa co resto da comunidade é imprescindible para que a Costa da Morte poida avanzar ao unísono co resto de Galicia e poida aportar todo o seu potencial económico, pesqueiro, turístico e, en consecuencia, todo o seu potencial social”.

Núñez Feijóo destacou que “este é o maior treito construído nunca dunha soa vez en Galicia porque as necesidades da Costa da Morte non se poden fraccionar despois de tanto tempo agardando”.

Con respecto na variante inaugurada investíronse máis de 20 millóns de euros, para cinco quilómetros dunha vía de altas prestacións.“Esta obra supón, en definitiva, que os veciños desta Fisterra están cada vez máis preto do resto do mundo, un obxectivo que será completo cando entre en servizo a futura Autovía de Carballo-Berdoias”, concluíu o Presidente.

Na inauguración tamén estiveron presentes, entre outros, o conselleiro de Medio Ambiente, Agustín Hernández, a delegada territorial da Xunta, Belén do Campo, e os alcaldes de Fisterra, Cee, Muxía e Dumbría.