O BNG galego xa desautorizou os seus concelleiros en Cee.

Os sete concelleiros do Partido Popular e do BNG en Cee presentaron no mediodía deste venres unha moción de censura, que desaloxará ao independente Ramón Vigo Sambade da alcaldía.

Un dos argumentos que sosteñen os dous grupos é “a situación económica grave” e a falta de transparencia na xestión de IxCee.

O BNG non tardou en reaccionar e desautorizou publicamente e mediante un comunicado a moción de censura presentada. O BNG asegura “que esta moción vai en contra dos seus principios políticos, e en concreto o de non facilitar os gobernos municipais do PP”.

A executiva nacional do BNG debatirá o vindeiro luns as medidas a adoptar. Neste caso os concelleiros nacionalistas en Cee elixirán a Zaira Rodríguez como alcaldesa.