The Puntillas actuará no Pazo de Santiso.

A inquedanza pola arte dramática que existía en Santa Comba encontrou unha saída froito da unión de varios mozos e co apoio do concello de Santa Comba. Así naceu a Escola municipal de teatro de adultos “The Puntillas teatro”, que compaxina a súa actividade coa sección infantil.

A formación e dirección de “The Puntillas teatro” correu a cargo de Xan Martínez. A escola xa actuou en Santa Comba e en Negreira, e despois doutras actuacións como a deste xoves en A Baña, escenificarán a obra “Mulleres” no marco da Casa do Pozo (Pazo de Santiso). Será o vindeiro venres 24 de xuño a partires das 22,30h.

Nesta representación actúan: Lola Blanco, Javi García, Marga Suárez, Vanessa Esculta, Nuria Amarelle, Mariña Pintos e Laura Pose. A obra é da autoría do director, Xan Martínez.

THE PUNTILLAS ACTÚA O VENRES 24 DE XUÑO EN SANTA COMBA