Unha das atraccións do San Pedro 2011.

Este vindeiro mércores 29 de xuño o Mago Romarís presenta o seu novo espectáculo en Santa Comba. Trátase de “O Castelo Máxico”. Na alameda xalleira instalaráse unha construcción de 45 metros cadrados.

No seu interior, un dos grandes magos galegos como é Antonio Romarís ofrecerá catro sesións gratuitas para os asistentes. As funcións serán as 17,00h, 18,00H, 19,00H, e 20,00H.

O evento está organizado pola concellería de Cultura de Santa Comba. Fai uns días o Mago Romarís visitou o emprazamento onde vai a desenvolver as súas actuacións e comentounos a ilusión que tiña por volver a actuar no concello. Pero esta vez cun formato totalmente distinto, pero que promete ser un éxito.