O PP critica que os socialistas pretendan enganar aos veciños.

A Festa do Cocido que o PSOE de Santa Comba celebrará este vindeiro sábado está xerando bastante polémica. Desde o Partido Popular discrepan co anunciado polos socialistas de que “será un encontro gastronómico sen finalidade política,aberto a todo público en xeral, incluso a aqueles que non simpatizan cas nosas ideas”.

Desde o PP queren resaltar que o evento é “un acto organizado polo PSOE, e polo tanto un acto totalmente político e partidista”, e critican a agrupación socialista local porque os populares entenden que tratan de enganar os veciños para que acudan a unha cita política, disfrazada de festa gastronómica popular.

“Están tentando xogar coas persoas, coa súa boa fe e coa súa intelixencia mediante a táctica do engano” aseguran desde o PP nun comunicado de prensa, no que insisten en varias ocasións en que “é un acto político no que tradicionalmente hai discursos e mensaxes en clave política”.

Ante a posibilidade de que acuda o exMinistro Caamaño consideran que seríaunha vergonza que traian “ unha persona que foi Ministro dun goberno que contrinuiu a ruína económica de España”.