Debate sobre o papel de Aquagest e do goberno local.

O Partido Socialista tamén pediu explicacións polo tema da piscina cuberta. José Antonio Ucha Velo lembrou que a empresa concesionaria, Aquagest suspendeu os cursos para nenor que tiña comprometidos por contrato deixando os usuarios nunha situación moi negativa xa que “"Non fan nin cursos nin mantemento".

Para Ucha a responsabilidade tamén é do goberno "porque se trata dun servizo público que vostedes teñen que manter" e dubidou da capacidade de xestión do goberno popular.Antonio Landeira afirmou que mantivera varias xuntanzas con Aquagest, e que precisamente este 15 de novembro rematara o prazo do último requerimento feito a empresa para recuperar os cursos sen resultados positivos. "Queremos solucións, e camiñamos na liña que nos marcan os servizos xurídicos".

A resolución do contrato nos xulgados será a vía máis probable. Landeira Gallardo recoñeceu a existencia dunha débeda por parte do concello, iniciada no mandato de José Toja, pero tamén incidiu no feito de que Aquagest no cumpriu o contrato, non aportando os datos da súa xestión, deixando a un lado o mantemento das instalacións e suspendendo pola súa conta uns cursos.

Javier Facal pediu "defender a vosa postura pero sen esquencer o diálogo e que
o problema está ahí". Miguel Pérez dixo que a vía xudicial xa fora acordada polos portavoces no pasado mandato. O PSOE lamentou que “non se da unha solución e se espera a que os problemas se arreglen por sí solo”. Para Ucha o alcalde “no tema de débeda non está obrando mal pero fan un batiburrillo”. Desde o equipo de goberno insistiron en que están defendendo o interese xeral e que retomarán os cursos cando sexa posible “ e de feito xa hai unha partida de 18.000 euros nos orzamentos”.