José Oreiro acompañado pola teniente alcaldesa, Marisol Piñeiro (os dous do Partido Popular), entregaban hoxe sete cheques dentro do programa municipal para incentivar a natalidade no municipio.

O rexedor defende estas medidas para combatir a “perda de poboación alarmante” que sofre Carnota.

“É por isto que dende o Concello non podemos permanecer impasibles ante esta grave situación, polo que é necesario establecer medidas propias de fomento da natalidade, recorrendo ó establecemento de medidas que sirvan de incentivo e acicate ós veciños do municipio para ter fillos”.


Neste senso establcen por segundo ano consecutivo esta liña de axudascoa condición indispensable de que todos os membros da unidade familiar solicitante residan no municipio con carácter efectivo e acreditado..  Os cheques-fomento fanse efectivos no momento do nacemento, e nos  consecutivos coincidindo cos aniversarios dos nenos, polo que con esta medida inténtase que a familia continúe residindo no municipio ata que o menor cumpra tres anos.Ata o momento recibíronse 31 solicitudes, entregando hoxe 7 cheques-fomento dos últimos nenos nados.