Noticias de Santa Comba, Vimianzo, Camariñas.

Falecementos

Este domingo (tal e como contamos na nosa crónica no sábado ) despedíamos ao funcionario do Xulgado de Paz e exconcelleiro Julio Ferreiro Pazos, que falecía vítima dunha enfermidade. Ademáis tamén recibían sepultura en As Pontes o ex Xuíz de Paz de profesor de Historia, Carlos López Formoso.

Debuxo e Pintura

O pasado xoves tiña lugar a entrega dos premios do concurso de debuxo e pintura o “Nadal” do concello de Santa Comba. No acto participa a concelleira de Cultura, María Pose Rodríguez e representantes dos centros escolares colexios Barrié de la Maza, Pepe de Xan Baña, Nosa Señora da Inmaculada e dos colexios rurais agrupados.Nesta duodécima edición o xurado elixiu un traballo de Miriam Cabanas Gesto, alumna do C.R.A. de Santa Comba. O segundo premio foi para Adela Lois Ordóñez (Nosa Señora da Inmaculada) e o terceiro recaeu en Analía Míguez González(Barrié de la Maza). Houbo tres accésits. Para Noelia Blanco Calvo(Pepe de Xan Baña), Noa Espasandín Martínez(Nosa Sra. da Inmaculada) e Raluca Yoana Constantineasa(Nosa Sra. da Inmaculada).

Inversión en Vimianzo

A portavoz municipal do PP, Carmen Borbujo difundiu un comunicado no que agradecía unha subvención de 36.000 euros, que concediu a Deputación provincial para a construcción dunha senda pernil, que irá desde a vella depuradora ata a Avenida de O Vilar. Borbujo destacou o apoio do ejecutivo provincial a Vimianzo.

Colexio O Areal

Estupenda noticia. O colexio do Areal en Camariñas recibe o premio como mellor centro educativo de Galicia pola súa promoción do deporte en idade escolar, concedido pola Xunta de Galicia.