PUBLICIDAD
| Desbótase unha moción de censura en Muros |
| Lunes, 26 de Marzo de 2012 19:25 | |||
|
O BNG pide que cesen as actitudes prepotentes da socialista Caridad González. A posibilidade dunha moción de censura recoñecida polos grupos municipais de BNG e PP en Muros, quedaráse nun susto e nunha advertencia para Caridad González Cerviño e o PSOE que deberá mudar as súas actitudes “autoritarias e prepotentes”.
Esta é a mensaxe e a “petición de rectificación” que lanzan desde o BNG, despois dunha xuntanza entre a executiva nacional e o grupo municipal do BNG en Muros.
Segundo as fontes nacionalistas, ambas partes “concordaron esta tarde en demandar ao PSdeG-PSOE a rectificación da súa política no concello e acordaron tamén desbotar calquera hipótese de presentación dunha moción de censura”.
“O BNG vai solicitar á dirección do PsdeG-PSOE a celebración dunha reunión para estudar a situación política do concello de Muros en orde a obter esa rectificación” sinalan desde a formación que lidera Guillerme Vázquez.
FOTO-CANDIDATURA BNG MUROS
|
