O Acalde de Muros, Domingos Dosil Cubelo, acompañado do concelleiro delegado de
Medio Ambiente, Xosé Manuel Quintela, visitaron a obra de rehabilitación das naves
que constituíron a antiga fábrica de conservas da familia Sel, situada na avenida
Porteliña da vila de Muros.

Neste percorrido, estiveron acompañados por Ricardo Babío Arcay, enxeñeiro da
Demarcación de Costas en Galicia e por técnicos da empresa Dragados. Durante a
visita Ricardo Babío relatoulle ao Alcalde de Muros o contido das obras que están en
execución. Así como a certeza de que as mesmas rematarán durante o primeiro semestre
do vindeiro ano 2010.

A actuación consiste na rehabilitación das catro naves que no seu día formaron a fábrica
de conservas de peixe da familia Sel coa finalidade de convertelas nunha escola e
museo do mar de Muros. Trátase dunha actuación de máis de dous millóns de euros
financiados polo ministerio de Medio Ambiente, Rural e Mariño