No último pleno do Concello de Muros, vense de aprobar a modificación da ordenanza fiscal do IBI, Imposto de Bens Inmobles, no apartado que afecta a empresas especiais, como as que xestionan parques eólicos.

Increméntase así o tipo impositivo do 0,6 ó 1,3 por cento.

A medida foi aprobada cos votos a favor do BNG e PP, e votos en contra do PSOE.

A portavoz socialista, Caridad González, comentou que non é o momento dunha subida de impostos.

En cambio, a concellal de Facenda, María Xosé Alfonso, indicou que a ordenanza non se tocaba dende había dez anos.