O PP acusa os socialista de mentir sen fundamento.

Segue a polémica entre populares e socialistas en Santa Comba. Nesta ocasión logo que os primeiros denunciaran que non foran convidados a homenaxe tributada a Julio Ferreiro no marco da Gala do Deporte. Desde o PP lamentan que “os socialistas recurran a mentira e a crítica infundada”.

Desde as filas conservadoras e mediante unha nota de prensa aseguran que “os concelleiros do PSOE foron convidados e as súas sillas estaban alí reservadas e baleiras. Foron convidados como o foi toda a corporación, e por escrito”. Engaden que outros concelleiros da oposición sí estiveron e que os socialistas “están dando a imaxe de querer boicotear todo o relacionado coas accións municipais”. Os populares aclaran ademáis que “a Gala do Deporte foi anunciada nos medios de comunicación”.

Negan rotundamente as acusacións e afirman que “unha das características do equipo de goberno e do alcalde é a búsqueda de diálogo. Mentras o PSOE minte e ataca o goberno, Antonio Landeira tende a man”.

A formación que preside Antonio Landeira puntualiza neste comunicado que o finado Julio Ferreiro “foi unha das persoas premiadas, non a única” e lamentan que “O PSOE queira facer disto unha nova polémica”. Para o PP “foi un premio mercedio a toda unha vida adicada o deporte” e pídenlle o equipo de Ucha Velo que “cambie de actitude” e “participe nos actos de tódolos xalleiros”. Por último, conclúen anunciando que desde o goberno do que forman parte seguirán convidando as distintos membros da corporación esperando, no caso concreto do Partido Socialista, “que as súas sillas non sigan quedando baleiras”.

FOTO- XUNTA XESTORA DO PP SANTA COMBA