ANOSACOSTA Portal Costa da Morte

O PSOE prepara unha Festa do Cocido “aberta a todo o público”.

A agrupación socialista de Santa Comba prepara a súa Festa do Cocido para o vindeiro sábado 11 de febreiro. Será a cuarta edición. Está prevista a asistencia de “varias persoas de relevancia política” no seo do partido, entre elas o Presidente provincial e exministro Francisco Caamaño e varios deputados autonómicos.

O secretario xeral dos socialistas xalleiros e voceiro municipal, José Antonio Ucha Velo declarou a Anosacosta que os políticos “acudirán na súa condición de amigos máis que na condición de políticos, xa que aclarou, que o obxetivo da Festa do Cocido é que sexa

“Un encontro gastronómico aberto a todo público en xeral, incluso a aqueles que non simpatizan cas nosas ideas”.

Ucha Velo manifestou nesta web que será “Un encontro que non ten finalidade política senon a da exaltación dun producto propio da nosa terra”. Os interesados en asistir a este evento poden retirar os seus tickets(prezo 15 euros) en Viaxes Amarelle, Comercial Espaher ou no propio complexo A Fortaleza.