A violencia non pode coartar a actividade democrática.

Esta vez tocáballe a sede do Partido Socialista de Negreira. Na madrugada do pasado martes explosionaba un artefacto neste local, composto por bombas de palenque e bombonas de cámping gas.

Desde a Delegación do Goberno apuntan novamente a Resistencia Galega, nun intento de entorpecer a campaña electoral do 20N. A sede socialista xa fora apedreada fai meses. Aínda que non houbo danos personais nin materiais moi sustanciosos o líder do PSOE local, Jorge Tuñas comentaba a posibilidade de que se poidera optar por cambiar de inmoble para evitar riscos as familias do edificio.

O secretario xeral dos socialistas, Pablo García afirmou que “En Galicia non hai espazo, nin para a violencia nin para os violentos”. PP e BNG expresaron a súa solidariedade co PSOE.

Desde esta web tamén queremos achegar a nosa mensaxe de ánimo a familia socialista de Negreira.

FOTO-MITIN PSOE EN NEGREIRA CAMPAÑA 20N