O Xallas conta cun novo equipo de balonmano.

O Balonmán Xallas xa está aquí. Segundo nos informa o delegado na provincia da Federación Galega, Bruno López, o histórico clube de fútbol conta xa cunha sección desta modalidade deportiva.

Desde a Federación destacan a laboura de promoción levada a cabo en colaboración co concello de Santa Comba que “tivo unha especial repercusión na vila xalleira, xa que actualmente xa conta co medio centenar de practicantes”.

Desde a directiva que preside Pedro Fernández Santos agradecen especialmente o apoio do alcalde Antonio Landeira e da concelleira de Deportes, Raquel Grille “polo apoio amosado dende o primeiro íntre para o desenvolvemento deste novo proxecto deportivo”.

Tamén mencionan a varias firmas privadas como Deportes Amarelle, Construcciones Barbeira e Hijos, Congelados Albramar, Imprenta Xallas, Deportes Alvite e Restaurante Casa Pego.A día de hoxe , o Balonmán Xallas conta con catro equipos distribuídos nas categorías de alevín e benxamín mixto, infantil feminina, e cadete masculina; este resultado foi posible gracias á colaboración dos colexios Barrié de la Maza, Pepe de Xan Baña, Nuestra Señora Inmaculada e IES Terra de Xallas que facilitaron a promoción e difusión do balonmán entre os máis cativos.

A carballesa Jessica Posse, unha das adestradoras da Selección Galega Infantil, é a coordinadora e adestradora do clube, facendose cargo dos catro equipos que compoñen a sección.A pasada fin de semana o Balonmán Xallas concentrou a 150 deportitas de diversos puntos da provincia nos pavillóns de Fontenla e Traba, que estiveron xogando partidos de balonmán ao longo da mañá do sábado, ademáis o equipo cadete masculino desprazouse a Pontevedra a disputar un encontro amigable contra o Teucro, deixando unha boa imaxe e aproveitando para ver o partido de División de Honra B que enfrontou ao Teucro e o Alcobendas.

FOTOS- EQUIPO XALLAS ALEVÍN E JESSICA POSE