O PP non ten web, o PSOE non actualiza e o BNG ofrece unha de cal e outra de area.

Esperemos que non fagan o mesmo coas súas promesas e os seus programas electorais.

Coincidindo coas eleccións municipais, os partidos políticos multiplicaron a súa actividade e aproveitaron as novas tecnoloxías para buscar o voto ou polo menos ofrecer unha imaxe moderna.

Os candidatos e os partidos a nivel local estaban presentes na rede mediante webs, blogs, Facebook, Tuenti, Youtube ou mesmo Twitter.Meses despois das eleccións, moitos deses blogs e espazos políticos virtuais están sen actualizar e os políticos deixaron de interactuar cos seus veciños. Aínda que hai excepcións.

Panorama triste na rede

A nivel comarcal os grandes partidos xa levan tempo quedando en evidencia. Unha formación coma o Partido Popular, que a nivel estatal utiliza as posibilidades da rede e que conta cunha importante base social, non ten unha web nin tan sequera un modesto blog a nivel comarcal. O PP da Costa da Morte no 2012 aínda non ten unha imaxe comarcal na rede de redes.

Pola contra os socialistas arrancaron fortes no seu día. Pero a súa web comarcal está inactiva, mellor dito leva moito tempo se actualizarse. A última noticia data de novembro de 2009. O enderezo é http://www.costadamorte.psdeg-psoe.org/ .

O Bloque Nacionalista Galego ofrece unha de cal e outra de area. A bisbarra de Bergantiños conta cun espazo propio na web do BNG (http://www.bng-galiza.org) mentres que os seus compañeiros da Costa da Morte tampouco teñen un site propio.

Séguenos en Twitter @anosacosta e no Facebook.