O goberno camariñán asegura que está controlado.

A canteira das Eixas ofrece un espectacular (por negativo) impacto visual. Trátase du verquedoiro incontrolado. Un auténtico depósito de electrodomésticos, colchóns, sillóns, caixas, ferros, etc…

Froito dunha investigación dun medio dixital local, o Diario Camariñán, vénse de coñecer públicamente a existencia desta escombreira. Desde o Partido Popular denuncian que estamos “ante o incumplimento da lei de forma sistemática por parte dunha administración local rexida por D. Manuel Valeriano Alonso de León”.Incluso achegan unha selección de fotografías.

Os populares critican que exista este “vertedoiro ilegal” que contén algúns materiais “altamente contaminantes”, e piden responsabilidades xa que o concello está dando “un nefasto exemplo” os cidadáns.

A formación que lidera Daniel Rego critica “o descontrol absoluto” que hai no concello de Camariñas e no que “soamente hai un responsable desta desfeita total”. Sinalan ao alcalde socialista, Alonso, “que debe respostar de inmediato e dar as explicacións oportunas e pertinentes para esclarecer este novo presunto delito que chega da man do propio alcalde.

En declaracións a La Voz de Galicia, a teniente de alcalde, Sandra Insua asegura que se trata dun depósito “controlado”.