Orzamentos 2023. Gonzalo Trenor informa dos investimentos para a Costa da Morte e Bergantiños

0
487

 

O delegado da Xunta, Gonzalo Trenor, anunciou que a Xunta reserva máis de 16 millóns para a comarca de Bergantiños-Costa da Morte para os principais investimentos da comarca.

Durante a visita a localidade de Carballo, informou que a VAP Baio Berdoias contará coa partida máis importante de 3,5 millóns de euros, para o primeiro tramo de enlace de Baio con Camariñas e outros 500.000 euros para a avanzar na variante de Carballo.

Trenor subliñou que nesta zona a colaboración da Xunta cos concellos para mellorar os servizos de saneamento seguirán contemplando importantes investimentos nos municipios de Laracha, Cee e Corcubión cun investimento total de máis de 5,5 millóns de euros.

Segundo Trenor o hospital de Cee tamén absorberá varias partidas para a reforma de área de urxencias e a renovación do seu equipamento de case un millón de euros.

Tamén fixo referencia a un orzamento de 2,5 millóns de euros para a posta en marcha de dúas plantas de transferencia de residuos por parte de SOGAMA en Cee e Ponteceso.

Bono Cultural da Xunta

Gonzalo Trenor visitou a libraría Brañas Verdes para animar aos profesionais do sector cultural a adherirse á campaña do Bono Cultura da Xunta que os clientes poderán empezar a disfrutar a partir do 2 de novembro ata o 31 de decembro.

O programa Bono Cultural contempla descontos do 50 % na compra de produtos ou na utilización de servizos culturais, para o que se emitirán 20.000 bonos. O ano pasado a iniciativa conseguiu animar a actividade cultural do outono galego, cun balance final dun total de 68.562 operacións, a mobilización de máis de 2M € ao longo de dous meses en marcha e a participación de 560 negocios culturais adheridos.

Estivo acompañado polo deputado autonómico e portavoz do Partido Popular en Carballo, Rubén Lorenzo Gómez.

DEIXA O TEU COMENTARIO

Por favor ingrese su comentario!
Por favor ingrese su nombre aquí