Escrita por Carlos Gabriel Fernández.
“Cincuenta lugares mágicos de Galicia” é o novo libro de Carlos Gabriel Fernández, publicado en Cydonia e que recolle medio cento de lugares seleccionados polo autor e que representan lugares de poder, fontes, pedras e lugares de culto pagano ou cristián, etc…
O libro está escrito a xeito de “guía de viaxes”, contando a historia de cada sitio, amén da súa localización GPS. Entre os puntos elixidos figuran Santa María do Cebreiro, Fisterra, San Campio na Serra de Outes, o sacrófago de Trasmonte, o Monte Aloia-Tui, Santa Mariña das Augas Santas, San Andrés de Teixido ou a Catedral de Santiago de Compostela.
FISTERRA E MUXÍA CON NOME PROPIO
A Costa da Morte ten tres enclaves seleccionados polo autor, que ocupan cadanseu capítulo. Fernández adica dous capítulos a Fisterra. O primeiro “Fisterra: El Cristo que llegó del mar”, e “Duio:La ciudad perdida del fin del mundo”.
No primeiro apartado céntrase na imaxe do Santo Cristo e na igrexa onde repousa e no segundo fala da lenda da cidade sumerxida de Duio, da vinculación xacobea a das restantes tradicións que medraron entorno a fin do mundo.
Outro punto da zona que merece un capítulo é Muxía. Refírese a Pedra de Abalar e a dos Cadrís baixo o título: “La barca de piedra de Muxía. Un oráculo junto al mar”.
Máis información no Blog http://lugaresmagicosdegalicia.blogspot.com . Na foto (de spia-holiday.com), a procesión dos ataúdes de Santa Marta de Ribarteme.
